شعرك بيتساقط الحل هنا

انا والله من اسبوع بس كنت بعاني من التساقط اوووووووي وكانت نفسيتي وحشه جدا
لحد ماجربت ايييييييييه بقى


(زبادي +عسل+بيضه+اي زيت اللي بترتاحيله زيت زيتون مثلا أو لو عندك زيت حيه أو زيت حشيش + تضيفي عصير جرجير يعني مقدار معلقتين كبار كدا +وامبول ايفا بالصبار للشعر المجهد)..


وضربت المكونات دي كلها بمضرب البيض عشان يمتزجوا
وحطيته ساعتين على شعري


وبصرااااااحه شعري بقى طري اوي غير ان التساقط قل كتير وحسيت انه متغذي ....
وناويه ان شاء الله استخدمه كل اسبوع مره


وطبعا لازم تداومي على الوصفه عشان توصلي للنتيجه المطلوبه


انا اللي عجبني في الوصفه دي انها خفيفه يعني غسيلها سهل اوي
ومش بيبقى في ريحه ولا اي حاجه



....في حاجه كمااااااااان استخدمتها من يوميـــن....
بصراحه بعدها التساقط قل اكترررررررر


جبت جــــرجيـــــر وعصرته في الخلاط مع شوية ميه
وبعدين صفيته وحطية الميه بتاعته على شعري وفضلت ادلك شعري وانا بحطه
وسبته بردو ساعتين وغسلته بميه بس بدون شامبو وطلع على طول
لان انتوا عارفين كتر غسيل الشعر بالشامبو بيبوظه اكتر


وعشان انا شعري من قدام خفيف سيبت شويه من عصير الجرجير وحطيته في بخاخه كانت عندي وبقيت كل يوم احطه على شعري من قدام وادلكه كويس اوي


وكماااااااااان عايزه انصحكم نصيحه لما تيجي تغسلي شعرك بالشامبو خففيه بميه عشان ميبقاش مركز ويضر شعرك اكتر
ولازم بعد ماتخدي الشاور بتاعك اغسلي شعرك بميه ساقعه
لان الميه السخنه غلط على الشعر
وكمااااااان غلط انك تسرحي شعرك وانتي بتستحمي
او وهوا مبلول
لالالالازم تنشفيه الاول
ولازم كمان تسرحي شعرك بمشط خشب لانه احسن حاجه للشعر
لان الامشاط التانيه بتسبب تقصف فالبتالي هيشان




......وفي وصفه كمان بستخدمها......
هاتي كريم شعر انا جبت (فاتيكا )
وفرغيه في طبق
وبعدين حطي علي الكريم بمقدار معلقه كبيره
(زيت خروع_زيت حبة البركه_ زيت جرجير _ زيت صبار _ زيت سمسم _ زيت زتون_ زيت حيه_ حشيش _ و امبول ايفا بالصبار للشعر المجهد)
وبعدين هتضربيه بمضرب البيض عشان يمتزجوا مع الكريم
وبعدين حطيه في التلاجه عشان دايما يبقى متماسك
ده بقى هيغذي شعرك اوي اوي اوي ادهني منه كدهان عادي كل يوم زي ماتحبي


......وفي كمان نصيحه.....
ياريت كل يوم تسرحي شعرك من ورا ... لقدام
وتعملي كحكه ساعه او ساعتين
زي ماتحبي
وبعدين رجعيه تاني
انا مش بحاول اكتر عن ساعه لان بتجبلي صداع
ههههههههههه
الطريقه دي ياجماعه مفيده اوي للشعر
لانها بتنشط الدوره الدمويه
وبتخلي الدم يوصل للشعر كله




جربي بقى وان شاء الله شعرك هيبقى احسن من الاول
ولو جربتي كل ده ومعملش نتيجه
يبقى لازم تروحي لدكتــــــور
لان ممكن يكون سبب التساقط ده
نقص فيتامينات وحديد
وممكن يكون حاله نفسيه
لان انا كان التساقط بتاعي بسبب اني استخدمت حنة فرد هيا اللي دمرت شعري
عشان كدا
لازم تدوري على السبب الرئيسي الاول
لازم تعرفي ايه سبب التساقط اللي عندك ياترى نفسيا
او استخدمتي فرد مثلا بوظ شعرك
او نقص في الغذا
وساعات بيكون من الانيميا